ကိုဘေးတဝိုက်မှာ BBQလုပ်စားချင်သူများအတွက် နေရာကောင်းလေးများနှင့်ဘာတွေပြင်ဆင်ရမလဲဆိုတာ?

2025.06.25

ကိုဘေးတဝိုက်မှာ BBQလုပ်စားချင်သူများအတွက်နေရာကောင်းလေးများနှင့်ဘာတွေပြင်ဆင်ရမလဲဆိုတာ?

နွေဦးရာသီလည်းရောက်လာပြီးရာသီဥတုကလည်းတဖြည်းဖြည်းနဲ့ပူလာပါပြီ။ဒီလိုရာသီမှာတော့ အပြင်မှာBBQလုပ်စားရင်အတော်ပဲပေါ့နော်။သူငယ်ချင်းတွေ၊မိသားစုတွေနဲ့အတူနွေဦးရာသီရဲ့ လေလေးတဖြူးဖြူးနဲ့ BBQ လုပ်စားကြရအောင်နော်။ ဒီတစ်ခေါက်မှာတော့ကိုဘေးတဝိုက်မှာ BBQလုပ်စားချင်သူများအတွက်နေရာကောင်းလေးများနှင့်ဘာတွေပြင်ဆင်ရမလဲဆိုတာကို မိတ်ဆက်ပေးမှာပဲဖြစ်ပါတယ်။

ကိုဘေးမြို့တဝိုက် BBQလုပ်စားချင်သူများအတွက် နေရာကောင်းလေးများ

ကိုဘေးမြို့မှာဆိုရင် BBQလုပ်စားဖို့ပန်းခြံတွေ၊သီးသန့်နေရာတွေအများကြီးရှိပါတယ်။

အောက်ပါနေရာ‌တွေကတော့ မီးသုံးစွဲခွင့်ရတဲ့နေရာတွေ၊BBQပစ္စည်းတွေစုံလင်စွာရှိနေသော အဆောက်အဦး စတာတွေကိုရွေးချယ်မိတ်ဆက်ပေးထားပါတယ်။

1. Sumaကမ်းခြေ

ထူးခြားချက်များ:

ပင်လယ်ပြင်ကို လှမ်းကြည့်ရင်း BBQ စားလို့ရမယ့် နာမည်ကြီးနေရာတစ်ခု။

ကြိုတင်ဘိုကင်လုပ်ထားရန်မလိုအပ်သော နေရာများလည်းရှိသောကြောင့် လွယ်လင့်တကူအသုံးပြုနိုင်ပါသည်။

အနီးတစ်ဝိုက်တွင် စူပါမားကတ်များနှင့် ကုန်စုံဆိုင်များ ရှိသောကြောင့် ပစ္စည်းများကို အလွယ်တကူဝယ်ယူနိုင်သည်။

လိပ်စာ- 1-1-4 Wakamiyacho၊ Suma-ku၊ Kobe City၊ Hyogo စီရင်စု

လမ်းညွှန်- JR Suma ဘူတာမှ 5 မိနစ် လမ်းလျှောက်ပါ။

2. ရှိအဝဆဲနောမူရ (SHIAWASENOMURA)

ထူးခြားချက်များ:

သီးသန့် BBQ ဧရိယာဖြစ်ပြီး သဘာဝတရားဖြင့် ဝန်းရံထားသော ကျယ်ပြန့်သောပန်းခြံ။

မီးဖိုချောင်နှင့် စားပွဲများရှိသည့်အတွက် ဘာမှယူသွားရန်မလိုအပ်ပါ။

မိသားစုများနှင့် လူဦးရေအများကြီးအဖွဲ့လိုက်သွားမည်သူများအတွက် သင့်တော်ပါသည်။

လိပ်စာ- 1-1 Shiawase no Mura၊ Kita-ku၊ Kobe၊ Hyogo စီရင်စု

လမ်းညွှန်- Kobe Municipal မြေအောက်ရထားရှိ Seishin Chuo ဘူတာမှ ဘတ်စ်ကားဖြင့် မိနစ် 20 ခန့်။

3. Rokkoတောင်ရဲ့ Country House BBQ Terrace

ထူးခြားချက်များ:

Rokko တောင် ၏ သဘာဝဖြင့် ဝန်းရံထားသော BBQ နေရာ။

ပါဝင်ပစ္စည်းများနှင့် စက်ကိရိယာအစုံများကို ငှားရမ်းအသုံးပြုနိုင်သောကြောင့် လက်ဗလာဖြင့် သွားလို့ရမည်ဖြစ်သည်။

နွေရာသီတွင် ဘီယာဥယျာဉ်ကိုလည်း ကျင်းပလေ့ရှိသည်။

လိပ်စာ- 4512-98 Kita Rokko၊ Rokkosan-cho၊ Nada-ku၊ Kobe City၊ Hyogo စီရင်စု

လမ်းညွှန်- Rokko Cable “Rokko Sanjo Station” မှ 15 မိနစ် ခြေလျင်လျှောက်ပါ။

BBQ အတွက်ပြင်ဆင်ရန်နှင့်စစ်ဆေးရန်အချက်များ

• BBQ ကိုပျော်ရွှင်စွာလုပ်စားဖို့ဆိုရင် ကြိုတင်ပြင်ဆင်မှုများကိုသေချာလုပ်ထားဖို့လိုအပ်ပါမယ်။ အောက်ပါစာရင်းဖော်ပြပါအချက်များကိုကြည့်ပြီး လိုအပ်သည်များကိုပြင်ဆင်ကြပါစို့။

• လိုအပ်သည့်အရာများ

✅ စားစရာများ （အသား၊အရွက်၊ပင်လယ်စာ၊ကြက်အူချောင်းစသဖြင့်）

✅ဟင်းခတ်အမွှေးကြိုင်များ（ဆား၊ငရုတ်ကောင်း၊အကင်ဆော့စ်၊ဆီစသဖြင့်）

✅မီးသွေး၊လောင်စာ၊မီ’ခြစ်（ယူသွားလို့ရမရနေရာကိုအရင်စစ်ဆေးပါ။）

✅BBQကင်စက်၊အကင်ပိုက်ကွန်（ငှားရမ်းလို့ရတဲ့နေရာများလည်းရှိပါတယ်။）

✅ရေခဲပုံး（သောက်စရာ၊အစားအသောက်များအအေးခံသိုလှောင်ရန်）

✅စက္ကူပန်းကန်ပြား၊တူ၊ခွက်

✅အကင်ညှပ်တံ၊ကော်ပြား၊ဓား၊စဥ်းနီတုန်း

✅အမှိုက်အိတ်（ကိုယ့်အမှိုက်ကိုယ်ပြန်သိမ်းပြီးပြန်ရတဲ့နေရာတွေလည်းအများကြီးရှိတာမလို့ပါ။）

• ရှိရင်ပိုပြီးBBQလုပ်ရလွယ်ကူတဲ့ပစ္စည်းများ

✅Sunscreen,ဦးထုတ် （အပြင်မှာအချိန်ကြာကြီးBBQလုပ်မယ်ဆိုရင်လိုအပ်）

✅ပိုးကောင်ဖြန်းဆေး （အထူးသဖြင့်နွေရာသီ）

✅အပန်းဖြေထိုင်ခုံ၊ခေါက်ထိုင်ခုံ

✅အပေါ်ထပ်အဝတ်အစား（တောင်တန်းနဲ့နီးတဲ့နေရာတွေမှာဆိုအပူချိန်ကျတတ်လို့ပါ）

BBQလုပ်ဖို့ပစ္စည်းတွေကိုဘယ်မှာဝယ်မလဲ?

ကိုဘေးမြို့မှာဆိုရင် လတ်ဆတ်တဲ့အစားအစာတွေကိုဝယ်ယူလို့ရမဲ့ စူပါတွေ၊‌ဈေးတွေအများကြီးရှိပါတယ်။

ဝယ်ယူလို့ရမဲ့နေရာကောင်းလေးများ

🛒 ကိုဘေးဂိုထောင်ဆိုင် （အများကြီးဝယ်ယူလိုသူများအတွက်တိုက်တွန်းပါတယ်။）

🛒 ဘေးမြောက်ဖက် Aeon Mall（BBQ set လိုက်ရရှိနိုင်ပါသည်။）

🛒 ကိုဘေးWholesale market （လတ်ဆတ်တဲ့ပင်လယ်စာတွေ၊အသားတွေရရှိနိုင်ပါတယ်။）

🛒မိမိနေတဲ့နေရာအနီးမှစူပါများ (Life, Maruai စသဖြင့်)

BBQပျော်ရွှင်စွာလုပ်စားဖို့သတိထားရမည့်အချက်များ

✅ စည်းကမ်းလိုက်နာရန် ： သတ်မှတ်ထားတဲ့နေရာမှာပဲမီးကိုအသုံးပြုကြပါစို့။

✅မီးကိုသေချာငြိမ်းရန် ：မီးငြိမ်းဖို့ရေကိုကြိုတင်ပြင်ဆင်ပြီး၊မီးသွေးအကျန်တွေကိုဖယ်ရှင်းရန်မမေ့ပါနှင့်။

✅ဆူညံသံများကိုသတိပြုရန် ： ပတ်ဝန်းကျင်မှလူများကိုအနှောက်အယှက်မပေးမိစေရန်။

✅အမှိုက်တွေသိမ်းပြီးပြန်ရန် ： ပတ်ဝန်းကျင်ကိုထိန်သိမ်းဖို့အတွက် သေချာသန့်ရှင်းကြပါမယ်။

အနှစ်ချုပ်

ကိုဘေးမြို့မှာ BBQ လုပ်စားရန်နေရာကောင်းများစွာရှိပါတယ်။သေသေချာချာကြိုတင်ပြင်ဆင်ပြီး လုံခြုံပျော်ရွှင်စွာ လုပ်စားကြပါစို့။ဒီနှစ်နွေရာသီမှာ မိသားစုတွေ၊သူငယ်ချင်းတွေနဲ့အတူ အရသာရှိတဲ့ BBQ လုပ်စားကြလိုက်ရအောင်နော်။