ဂျပန်တွင်ကားမောင်းလိုင်စင်ယူသည့်အခါအခက်အခဲများ

2024.11.29

ဂျပန်တွင် ကားမောင်းလိုသူ နိုင်ငံခြားသား အများအပြား ရှိမည်ဖြစ်သည်။ ဂျပန်ဘာသာဖြင့် ယာဉ်မောင်းလိုင်စင် ရရန်ဆိုလျှင် အတိုင်းတာတခု ဂျပန်ဘာသာစကား ကျွမ်းကျင်မှု လိုအပ်ပါသည်။ ထို့ပြင် ပြည်ပဘာသာဖြင့် ယာဉ်မောင်းလိုင်စင် ရရှိနိုင်သည်ကို သိသောသူများ မရှိသလောက် ဖြစ်သည်။ ဤအကြောင်းကြောင့်၊ ဂျပန်တွင် ယာဉ်မောင်းလိုင်စင် ရယူခဲ့သော နိုင်ငံခြားသားများကို တွေ့ဆုံမေးမြန်းကာ အခက်အခဲများနှင့် ဖြေရှင်းနည်းများကို ရှင်းပြပေးလိုက်ပါသည်။ ဂျပန်တွင် ယာဉ်မောင်းလိုင်စင် ရယူရန် စဉ်းစားနေသူများ အတွက် အကျိုးရှိမည်ဟု မျှော်လင့်ပါသည်။

1. ဂျပန်၏ ယာဉ်မောင်းလိုင်စင်ကို မည်သို့ ရယူခဲ့ပါသနည်း?

1・　ဂျပန်ဘာသာစကားသုံးကာ ယာဉ်မောင်းသင်တန်းကျောင်းတက်ရောက်သည်။
2・　နိုင်ငံခြားမှပါလာသည့် လိုင်စင်ကိုဂျပန်တွင် ပြောင်းလိုက်သည်။
3・နိုင်ငံခြားဘာသာစကားအထောက်အပံ့ပေးသည့်ယာဉ်မောင်းသင်တန်းကျောင်းတက်

ရောက်ခဲ့သည်။

ဤသို့၊ ဂျပန်ဘာသာစကားသုံးကာ ယာဉ်မောင်းသင်တန်းကျောင်းတက်ရောက်ကာ လိုင်စင် ရယူသူများ အများဆုံး ဖြစ်ကြောင်း တွေ့ရှိရပါသည်။ နောက်တစ်ဆင့်အနေဖြင့် လိုင်စင် ရယူစဉ် အခက်အခဲများကို ကြည့်ရှုကြပါစို့။

ဂျပန်တွင် ယာဉ်မောင်းလိုင်စင် ရယူရာတွင် သိထားသင့်သည့် အချက် ၂ ခုရှိသည်။

1. နိုင်ငံခြားဘာသာစကားဖြင့် တက်ရောက်နိုင်သည့် ယာဉ်မောင်းသင်တန်းကျောင်းများလည်း ရှိသည် (ယာဉ်မောင်းလေ့ကျင့်ခြင်းနှင့် စာမေးပွဲများမှာ ဂျပန်ဘာသာဖြစ်နိုင်သည်)
2. နိုင်ငံခြားတွင် ရရှိထားသော လိုင်စင်မှ ဂျပန်၏ လိုင်စင်သို့ ပြောင်းလဲနိုင်သည် (စာမေးပွဲဖြေရာတွင် လွယ်ကူပြီး လမ်းပေါ်ယာဉ်မောင်းစည်းမျဉ်းများကို သိရှိထားရမည်)

ထိုအချက်များကိုအသေးစိတ်ရှင်းပြပါမည်။

1. နိုင်ငံခြားဘာသာစကားဖြင့် တက်ရောက်နိုင်သည့် ယာဉ်မောင်းသင်တန်းကျောင်းများလည်း ရှိသည်

အချို့သော ယာဉ်မောင်းသင်တန်းကျောင်းများတွင် နိုင်ငံခြားဘာသာစကားဖြင့် သင်တန်းများ ပေးသည်။ သင်တန်းကျောင်းအပေါ်မူတည်၍ အင်္ဂလိပ်၊ တရုတ် စသည်ဖြင့် ဘာသာစကားများဖြင့် စာမေးပွဲ ဖြေဆိုနိုင်ပြီး၊ သင်ခန်းစာအတွက် သင်ရိုးစာအုပ်များကို အင်္ဂလိပ်၊ တရုတ် စသည်ဖြင့် ဝယ်ယူ သို့မဟုတ် ငှားရမ်းနိုင်သည်။

ဥပမာ၊ 兵庫県 (Hyogo) တွင် အင်္ဂလိပ်၊ တရုတ်၊ ပေါ်တူဂီ၊ ဗီယက်နမ် ဘာသာများဖြင့် စာမေးပွဲဖြေဆိုနိုင်သည့် ယာဉ်မောင်းလိုင်စင် ဌာန ရှိသည်။ သို့သော် စာမေးပွဲနှင့် သင်ရိုးစာအုပ်များမှာ နိုင်ငံခြားဘာသာဖြစ်သော်လည်း၊ ယာဉ်မောင်းလေ့ကျင့်ခြင်းနှင့် ယာဉ်မောင်းစည်းမျဉ်း စသည့် သင်ခန်းစာများကို ရံဖန်ရံခါ ဂျပန်ဘာသာဖြင့်ပင် ပြုလုပ်ကြသည်။

ထို့ပြင်၊ စာမေးပွဲနှင့် သင်ရိုးစာအုပ်များအားလုံးကို ဂျပန်ဘာသာဖြင့် ပြုလုပ်ပြီး၊ နိုင်ငံခြားလူမျိုးဝန်ထမ်းများမှလည်း မေးခွန်းများကို ဖြေကြားပေးသည့် အခြေအနေများ လည်းရှိသည်။

နိုင်ငံခြားဘာသာစကား ဖြင့် အထောက်အကူပြုထားကြောင်း ရေးထားသည်ဟုဆိုပြီး ချက်ချင်း လျှောက်ထားခြင်းမပြုဘဲ၊ ယာဉ်မောင်းသင်တန်းကျောင်းကို တယ်လီဖုန်းဖြင့် ဆက်သွယ်ကာ မည်မျှ အထောက်အကူပြုနိုင်သည်ကို မေးမြန်းပါ။

2. နိုင်ငံခြားတွင် ရရှိထားသော လိုင်စင်မှ ဂျပန်၏ လိုင်စင်သို့ ပြောင်းလဲနိုင်သည် (စာမေးပွဲဖြေရာတွင် လွယ်ကူပြီး လမ်းပေါ်ယာဉ်မောင်းစည်းမျဉ်းများကို သိရှိထားရမည်)

နိုင်ငံခြားတွင် ရရှိထားသော ယာဉ်မောင်းလိုင်စင်မှ ဂျပန်၏ ယာဉ်မောင်းလိုင်စင်သို့ ပြောင်းလဲနိုင်သည်။ ဂျပန်၏ လိုင်စင်သို့ ပြောင်းလဲရန် အတွက် ယာဉ်မောင်းလိုင်စင် ဌာနတွင် စာရွက်စာတမ်းများကို တင်သွင်းရန်နှင့် လမ်းပေါ်ယာဉ်မောင်းစည်းမျဉ်းများနှင့် ယာဉ်မောင်းစာမေးပွဲများကို ဖြေဆိုရန် လိုအပ်သည်။

ဂျပန်၏ ယာဉ်မောင်းလိုင်စင်သို့ ပြောင်းလဲခြင်းအကြောင်းအသေးစိတ်ကို ဤဆောင်းပါးတွင် ကြည့်ရှုပါ။

日本で車を運転するには

နိုင်ငံခြားတွင် ရရှိထားသော လိုင်စင်မှ ဂျပန်၏ လိုင်စင်သို့ ပြောင်းလဲခဲ့သည့် A さん က လမ်းပေါ်ယာဉ်မောင်းစည်းမျဉ်း စာမေးပွဲသည် ဂျပန်၏ ယာဉ်မောင်းသင်တန်းကျောင်းတက်ရောက်ခြင်းထက် ပိုမိုလွယ်ကူကြောင်း ပြောကြားခဲ့သည်။ သို့သော် လက်တွေ့ ယာဉ်မောင်းခြင်းအတွက် စာမေးပွဲ အောင်မြင်မှုသာမက၊ ဂျပန်၏ ယာဉ်မောင်းစည်းမျဉ်းများကို မိမိအနေဖြင့် ပိုမိုလေ့လာရန် လိုအပ်ကြောင်းလည်း ပြောကြားခဲ့သည်။

ထို့အပြင်၊ ယာဉ်မောင်းလိုင်စင် ရယူရာတွင် အခက်အခဲတွေ့ကြုံစဉ် မည်သို့ ဖြေရှင်းခဲ့ကြောင်းလည်း မေးမြန်းခဲ့သည်။

1・မိသားစုနှင့် သူငယ်ချင်းများမှအကူအညီကို ရရှိခဲ့သည်
2・အုပ်ချုပ်ရေးရုံးကောင်တာမှအချက်အလက်များကို ရရှိခဲ့သည်
3・အထောက်အကူပြုအဖွဲ့အစည်းများ၏ အကူအညီကို ရရှိခဲ့သည်

သူငယ်ချင်းများနှင့် မိသားစု၏ အကူအညီကို ရခဲ့သူများ အများအပြားရှိသည်ဟု တွေ့ရပါသည်။ သို့သော် မိမိပတ်ဝန်းကျင်တွင်ရှိသောလူများမှာ ဂျပန်တွင် ယာဉ်မောင်းလိုင်စင် ရယူထားခြင်း မရှိသေးသူများလဲရှိနိုင်ပါသည်။ဂျပန်ဘာသာစကားဖြင့်ယာဉ်မောင်းသင်တန်းကျောင်းတက်ရောက်ကာ လိုင်စင်ရယူရန်သည် အလွန်ခက်ခဲသည်။ သို့သော် လိုင်စင်ပြောင်းရွှေ့ခြင်း သို့မဟုတ် နိုင်ငံခြားဘာသာစကား အထောက်အကူရှိသည့် ယာဉ်မောင်းသင်တန်းကျောင်းများတွင် တက်ရောက်ခြင်းဖြင့် အခက်အခဲအချို့ လျော့နည်းနိုင်သည်။